تصدر مصاريف أغلى المدارس الدولية في مصر قائمة البحث عبر مواقع التواصل الاجتماعي ومؤشر البحث الشهير "جوجل"، وخاصة بعد أن كشف عدد من أولياء الأمور والنشطاء عن أسماء المدارس الدولية التي تصل مصاريف الطفل في الصف الأول الابتدائي حوالي 32 ألف دولار في السنة أي ما يعادل نحو مليون و600 ألف جنيه في السنة.

قائمة أغلى المدارس الدولية في مصر تثير الجدل

وشملت قائمة أغلى المدارس في مصر، والتي تصدرت مواقع البحث، مدرسة تسمى "Uppingham Cairo"،  كشف أولياء الأمور أن مصاريفها تصل نحو 32 ألف دولار، أي حوالي مليون و600 ألف جنيه في السنة، لتلميذ في الصف الأول الابتدائي، وتقع في منطقة New Giza في أكتوبر.

أما المدرسة الثانية فهي مدرسة "Cairo American College — CAC"، وتصل مصاريفها إلى حوالي 29,600 دولار، ما يعادل مليون ونصف مليون جنيه في السنة، ومقرها في المعادي.

كما جاءت مدرسة "British International School Cairo — BISC"، في المرتبة الثالثة في قائمة المدارس الدولية الأغلى في مصر، ويصل مصاريفها في العام نحو 13,400 جنيه إسترليني، أي حوالي 900 ألف جنيه في السنة، ومقرها في الشيخ زايد بأكتوبر.

واحتلت مدرسة "Maadi British International School — MBIS"، المرتبة الرابعة في قائمة المدارس الدولية الأغلى في مصر، وبلغ مصاريفها حوالي 12 ألف جنيه إسترليني، وتعادل حوالي 800 ألف جنيه مصري في السنة، ومقرها المعادي في القاهرة.

ومدرسة "New Cairo British International School — NCBIS"، في المرتبة السادسة، وبلغ مصاريف أولى ابتدائي فيها نحو 11,200 ألف جنيه إسترليني، وتعادل نحو 750 ألف جنيه مصري في السنة، ومقرها التجمع الخامس

رحلة للأطفال إلى إسبانيا وفرنسا في أغلي مدرسة دولية بمصر

وأثارت قائمة المدارس الدولية الأغلي في مصر ردود أفعال واسعة بين المصريين، البعض سخر من الأموال الباهظة التي تنفق في المدارس الدولية على الطلبة، وخاصة أن المصاريف المعروضة كانت للصف الأول الابتدائي، وتزيد هذه المصاريف مع تقدم الطالب في السنوات الدراسية الأخرى، ولا تشمل المصاريف الأتوبيس المدرسي للطفل، أو المصاريف الإضافية الأخرى. 

وعلق البلوجر محمد الخطيب على قائمة مصاريف أغلى المدارس الدولية في مصر، فقال: "دخلت صفحة مدرسة "Uppingham Cairo" علي الفيس لقيتهم مطلعين الأطفال رحلة لإسبانيا، وإحنا كان آخرنا رحلة لجنينة الحيوانات".

أما البلوجر أية سعيد البناوي فسخرت قائلة: "مرتبات أطباء الامتياز من 2150 جنيه إلى 2250 جنيه، يعني ما يجيش ربع ساعه في مدرسه من دولية"

وقال البلوجر بيبو أحمد: "وفى الآخر يطلع إيه بعد كل الدولارات التي تصرف"

وعلق البلوجر كريم مجدي فقال: "بعد اللي عرفته عن المدرسة دي... المفروض اللي يدخل أولاده فيها يروح يبات في المدرسة.. مليون 600 ألف في السنة بمدرسة Uppingham Cairo، مصاريفها حوالي 32,000 دولار في السنة، خلي بالك: (دي مصاريف أولي ابتدائي، والمصاريف بتزيد لما الطفل يكبر، ودي مصاريف المدرسة بس، بدون الباص ومصاريف إضافية الخ الخ".

أما البلوجر محمد طامي، فقال: "مدارس إيجيبت.. وفقراء لا يدخلون الجنة"

مساحات مرعبة للتفاوت الطبقي في مصر 

وعبر البلوجر شعبان حسن صيام عن اندهاشه فقال: "الناس دى عايشة معانا وبتاخد الحد الأدنى للأجور ولا إيه، طلعلي فيديو بيتكلم عن مدرسة غالية جدًا فقولت أعمل بحث عن إيه أغلى مدارس في مصر، فوجدت قائمة بأغلى مدارس تعليم في مصر"

وعلق البلوجر موكشا، فقال: "شوفت حد كاتب بوست عن أغلى مدارس إبتدائي في مصر علي رأس القائمة مدرسة بريطانية اسمها uppingham cairo، ودي مصروفاتها لأولي ابتدائي حوالي ٣٢ ألف دولار، يعني مليون ونص مثلًا أو أكثر، المهم دخلت على صفحتهم على الفيس أشوف ليه الرقم ده، أو بيعملوا أيه يعني لاقيت بسم الله الرحمن الرحيم كدا مبدئيا مطلعين الأطفال رحله لفرنسا وإسبانيا، مكملتش سكرولينج، محبتش أقول هتحس إنك فندق أو متحف مش مدرسه مراعاه لمشاعر الناس ومشاعري.. ربنا يوسع عالناس كلها ويعلموا ولادهم كويس".

أما البلوجر حسين محمد فقال: "في مدرسة عبد الله النديم الإعدادية كنا قاعدين علي كراسي خشب من بتوع القهاوي وكان الحوش رملة وكان مدرس الألعاب بيقف في الكانتين يبيع لينا سندوتشات الفول في الفسحة وكنا نمد أدينا من باب المدرسة الحديد علشان نشتري دوم ولب سوري، مش شايف أنها فرقت كتير يعني"

وقدم البلوجر عبد العزيز محمد اقتراحًا، فقال: "أنا شايف أن المفروض بدل ما حد يدخل أبنه المدارس دي يحوش ليه فلوس كل مصاريف المدرسة دي ولما يكبر يفتح ليه شركة ويجيب الشباب اللي كانت في المدارس دي تشتغل عنده"

وقال البلوجر عمرو أبو طويلة: "مصر بقت بلد فيها مساحات من التفاوت الطبقي مرعبة ومميتة. شباب بتموت بشكل دوري على الطرق عشان ١٠٠ و٢٠٠ جنيه يومية، في نص موسم السباقات المعفنة في التباهي بأنماط استهلاك مرعبة في الساحل".