أحمد الفيشاوي يوضح شروط بطل أفلامه ويستبعد محمد رمضان لهذا السبب (فيديو)

كشف الفنان أحمد الفيشاوي عن معاييره لاختيار الممثلين في الأعمال التي يتولى إخراجها، موضحًا أنه يفضل أن يتمتع أبطال أفلامه بالوسامة والطول والبنية الجسدية، مشيرًا إلى أنه قد يفكر في إخراج عمل كوميدي يجمعه بالفنان محمد رمضان.

وقال أحمد الفيشاوي، خلال لقائه مع الإعلامية هبة حيدري في برنامج «منا وفينا»، ردًا على سؤال بشأن إمكانية إخراجه عملًا لمحمد رمضان: «لا.. عشان أنا بحب الممثلين يبقوا عندهم درجة كبيرة من الوسامة، وبحبهم يبقوا طوال وعُراض.. ده البطل بتاعي، أنا بكلمك كمخرج دلوقتي».

وأضاف موضحًا أسلوبه في اختيار الممثلين: «أنا كمخرج الاستايل بتاعي إني بحب أجيب ناس حتى البنات يبقوا شكلهم حلو وطوال وزي القمر.. أنا بحب أعمل أفلامي كده علشان الناس من حقها إنها تشوف حاجات شكلها جميل وممثلين بيمثلوا كويس وشكلهم جميل ويريحوا العين ويبقوا زي ما بيقولوا يخطفوا كده القلوب».

وعن إمكانية تغيير رأيه إذا كان العمل كوميديًا، قال الفيشاوي: «لو كوميدي طبعًا ده أنا بعشقه، لأن الكوميدي بيخلي المسائل تختلف.. يعني لو قلتي لي تخرج لرمضان كوميدي ممكن أفكر فيها».