عبدالعزيز النجار لـ"مصراوي": مهرجان الجونة السينمائي من أهم المهرجانات في الشرق الأوسط

تصوير- نادر نبيل:
قال المخرج عبدالعزيز النجار إنه حرص على التواجد في مهرجان الجونة السينمائي، ومشاهدة الفيلم المصري المشارك في مسابقة الأفلام الروائية الطويلة، فيلم خروج آمن للمخرج محمد حماد.

عبدالعزيز النجار

وقال النجار في تصريحات خاصة لـ«المصطبة نيوز»: "أول حاجة بشوفها في المهرجان فيلم خروج آمن، الفيلم المصري وده العرض الأول له في الشرق الأوسط، حاجة مهمة بالنسبالي والمخرج محمد حماد متميز جدا".

ولأول مرة كشف النجار أن علاقته بمهرجان الجونة السينمائي كانت أبعد من فكرة التواجد وحضور الندوات ومشاهدة الأفلام، موضحا "فيه حاجة جميلة عمري ما قلتها قبل كده، إني كنت بشتغل في المهرجان من تسع سنين حاجة ملهاش علاقة باللي بعمله دلوقتي، وده كان في أول دورة، فعلاقتي كانت علاقة مهمة قوي، قضيت 4 سنين شغل في المهرجان استمتع وبشوف الأفلام وبحضر ندوات وفعاليات المهرجان المفيدة جدا واللي ساعدتني اخد خطوات وأقوم بإخراج أول عمل مسلسل (حالة خاصة)".

مهرجان الجونة السينمائي

وتابع النجار: "بعدها ما كانش فيه فرصة آجي غير السنة دي مبسوط إني جيت أشوف المهرجان.. وأتمنى أعمل فيلم أشارك بيه وبدور على الأفلام اللي بحبها سواء قادرة تروح مهرجانات مختلفة أو لأ، منها الجونة اللي هو من أهم المهرجانات في الشرق الأوسط عموما".

وعن أعماله الجديدة، قال إنه يقرأ أكثر من سيناريو ولم يحدد بعد خطوته المُقبلة، مضيفا "مفيش حاجة مؤكدة في رمضان، حريص أكون موجود في عمل حلو، عملت فيلم السنة اللي فاتت معملتش حاجة في رمضان لأن الفيلم كان المشروع الأنسب دايما، والمشروع الحلو ما تسيبهوش".
جدير بالذكر أن عبدالعزيز النجار عُرض له مؤخرا فيلم محمود التاني، بطولة أحمد غزي، كزبرة، تامر هجرس، كارولين عزمي، تأليف إياد صالح.

عمرو دياب يخطف أضواء الجونة في حفل كبير بحضور نجوم الفن - صور